ᐱᖁᑎᓄᑦ ᒪᒃᐱᖅᑐᒐᖅ
ᐱᖁᑎᓄᑦ ᒪᒃᐱᖅᑐᒐᖅ
ᑖᒃᑯᐊ ᖃᐅᔨᔾᔪᑕᐅᔪᓐᓇᖅᑐᑦ−ᑐᙵᕕᓖᑦ ᐱᖁᑎᑦ ᑐᙵᕕᖃᖅᑎᑕᐅᕗᑦ ᖁᐊᖅᓵᖅᓯᒪᓂᕐᒧᑦ ᐃᓱᒪᒋᔭᐅᔪᓂᒃ, ᐃᓱᒪᒃᑯᑦ ᐃᓱᒪᓕᕆᓂᕐᒥᒃ, ᐊᒻᒪᓗ ᖃᕆᑕᒃᑯᑦ ᖃᐅᔨᓴᖅᑐᓕᕆᓂᕐᒥᒃ.
ᑲᔪᖏᖅᓴᐅᑎᑦ ᐊᑭᓐᓇᕐᒥᐅᑕᑦ
ᓇᒃᓴᕐᓗᒍ ᓴᐃᒪᕕᒃ ᑲᔪᖏᖅᓴᐃᓂᕐᒥᒃ ᐃᓕᓐᓂᐊᕐᕕᑦᓯᓐᓄᑦ ᑲᑐᔾᔨᖃᑎᒌᔅᓯᓐᓄᓪᓘᓐᓃᑦ. ᑖᒃᑯᐊ ᐱᐅᔪᒻᒪᕆᐊᓗᐃᑦ, ᐱᓕᕆᔨᓪᓚᕆᓐᓄᑦ ᑎᑎᕋᖅᓯᒪᓕᖅᑎᑕᐅᓯᒪᔪᑦ ᐊᑭᓐᓇᕐᒥᐅᑕᑦ ᐸᑦᑕᐃᓪᓗ ᒪᓂᒪᑎᑕᐅᕗᑦ ᑐᕌᖓᑎᑕᐅᓪᓗᑎᒃ ᐃᑲᔪᖅᑐᐃᔪᒪᓪᓗᑎᒃ ᓄᓇᓕᓐᓂ ᐱᓕᕆᐊᖑᕙᒃᑐᓂᒃ. ᑕᑯᒃᓴᐅᑎᑦᑎᔪᑦ ᐊᔾᔨᐅᙱᑦᑐᓂᒃ ᓄᓇᖃᖅᑳᖅᓯᒪᔪᑦ ᓴᓇᐅᒐᖏᓐᓂᒃ ᐊᒻᒪᓗ ᑕᓯᐅᖅᑕᐅᓪᓗᑎᒃ ᐃᓱᒪᒋᔭᐅᔪᑦ.
ᐃᓚᓕᐅᔾᔨᓯᒪᕗᒍᑦ ᐊᑭᖃᙱᑦᑐᓂᒃ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᓱᑎᒃ ᑕᒪᐃᓐᓂᑦᑎᐊᖅ ᐃᓗᓕᖏᓐᓂᒃ ᑮᓇᐅᔭᖃᖅᑎᑕᐅᔪᓂᒃ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓄᑦ ᒪᑭᕝᕕᒃ ᑯᐊᐳᕇᓴᓐᑯᓐᓄᓪᓗ.
ᒥᓇᕆᓗᒍ
ᑲᔪᖏᖅᓴᐃᓂᕐᒧᑦ ᖃᐅᑕᒫᖅᓯᐅᑎᑦ
ᐃᓂᐅᔪᖅ ᐃᓱᒪᒃᓴᖅᓯᐅᕐᓂᕐᒧᑦ ᑕᑯᒃᓴᐅᑎᑦᑎᓪᓗᓂ ᑎᑎᕋᐅᔭᖅᓯᒪᔪᓂᒃ ᐊᒻᒪᓗ ᑲᔪᖏᖅᓴᐃᔪᓂᒃ ᐃᓱᒪᒋᔭᒃᓴᓂᒃ ᖃᐅᔨᒪᔾᔪᑎᒃᓴᓂᒃ ᖃᐅᑕᒫᖅᓯᐅᑎᓄᑦ ᓇᒧᙵᐅᕙᓪᓕᐊᓂᕆᔭᕐᓄᑦ.
ᒥᓇᕆᓗᒍ
Language version to download:
15 ᒥᓂᑦᓯᓂᒃ ᐃᓅᓯᕐᒧᑦ ᐊᔪᕈᓐᓃᖅᑕᐅᕙᒃᑐᑦ ᒪᓕᒋᐊᓕᒃ
ᑐᙵᕕᒋᔭᐅᔪᖅ ᐊᓯᔾᔨᖅᐸᓪᓕᐊᓂᕐᒧᑦ ᐃᓅᓯᕐᒥ ᐊᔪᕈᓐᓃᖅᑕᐅᕙᒃᑐᓄᑦ ᐊᔪᕈᓐᓃᖅᓴᐅᑎᓪᓗᐊᑕᖅ ᐋᖅᑭᒃᑕᐅᓯᒪᓪᓗᓂ ᑐᙵᕕᖃᑦᑎᐊᖁᓪᓗᒍ ᑎᒥ ᑕᐅᑐᒐᖃᓪᓗᐊᑕᕐᓗᓂᓗ ᐃᓱᒪᒥᒃ. ᐃᓚᖃᖅᐳᖅ ᐊᕐᕕᓂᓕᖕᓂᒃ ᐊᑐᖅᑕᐅᓪᓚᕆᒋᐊᖃᖅᐸᒃᑐᓂᒃ ᐊᓂᖅᓵᖅᑐᕐᓂᒃᑯᑦ ᐃᑲᔪᕈᒪᓪᓗᑎᒃ ᓱᑲᖓᓗᐊᕈᓐᓃᖅᑎᑦᑎᓂᕐᒥᒃ ᐱᐅᓯᒋᐊᖅᑎᑦᑎᔪᒪᓂᕐᒧᓪᓗ ᑕᐅᑐᒐᖃᑦᑎᐊᕈᓐᓇᕐᓂᕐᒥᒃ 15 ᒥᓂᑦᓯᓂᒃ.
ᐃᑲᔪᖅᑐᕐᓗᒍ
ᑕᒪᕐᒥᑦᑎᐊᖅ ᑎᑎᖅᑐᒐᐃᑦ ᓂᐅᕕᖅᑕᐅᔪᑦ ᐃᑲᔪᖅᑐᐃᕗᑦ ᑐᕌᒐᕆᔭᑦᑎᓐᓂᒃ ᑕᒪᒃᑯᐊ ᖃᓄᐃᙱᑦᑎᐊᕐᓂᕐᒧᑦ ᐊᑐᖅᑕᐅᔪᓐᓇᖅᑐᑦ ᐊᑭᖃᙱᓪᓗᑎᒃ ᓄᓇᓕᓐᓄᑦ. ᑎᑭᓴᐃᔪᓐᓇᖅᐳᑎᑦ ᐱᐅᔪᒻᒪᕆᖕᓂᒃ, ᐱᓕᕆᔨᓪᓚᕆᓐᓄᑦ ᑎᑎᕋᖅᓯᒪᔪᓂᒃ ᑲᑎᖅᓱᖅᓯᒪᔪᓂᒃ ᐅᓪᓗᒥ. ᐃᓗᐃᑦᑑᓈᕐᓗᒋᑦ ᑎᑭᓴᖅᑕᐅᔪᑐᐊᑦ.
ᖁᔭᓐᓇᒦᒃ ᑮᓇᐅᔭᖃᖅᑎᑦᑎᔨᕗᑦ
ᑎᑎᖅᑲᑦ ᓂᐱᓕᐅᖅᓯᒪᔪᓪᓗ ᐊᑐᐃᓐᓇᐅᔪᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᑐᑦ ᓴᓇᔭᐅᓯᒪᕗᑦ, ᑐᑭᓕᐅᖅᑕᐅᓪᓗᑎᒃ, ᐊᒥᓱᙳᖅᑎᑕᐅᓪᓗᑎᒃ, ᑐᓂᐅᖅᑲᖅᑕᐅᓪᓗᑎᓪᓗ ᑮᓇᐅᔭᖃᖅᑎᑕᐅᓪᓗᑎᒃ ᓄᓇᕗᑦ ᑐᙵᕕᒃᑯᓐᓂ ᑕᐃᑰᓇ ᐅᖃᐅᓯᕐᖓᖅ ᑮᓇᐅᔭᖁᑎᖏᓐᓂᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐅᑯᑎᒎᓇᖅ, ᑲᓇᑕᒥ ᐃᑦᑕᕐᓂᓴᓕᕆᔨᒃᑯᑦ. ᓄᓇᕕᒻᒥ, ᑮᓇᐅᔭᖃᖅᑎᑦᑎᔨᕗᑦ ᐅᑯᐊᖑᕗᑦ ᓄᓇᕕᒻᒥ ᐊᕕᑦᑐᖅᓯᒪᔪᑦ ᑲᑎᒪᔨᖏᑦ ᐋᓐᓂᐊᖅᑐᓕᕆᔨᒃᑯᑦ ᐊᒻᒪᓗ ᐃᓄᓕᕆᔨᒃᑯᑦ ᐊᒻᒪᓗ ᒪᑭᕝᕕᒃ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᑮᓇᐅᔭᖁᑎᖏᑎᒍᑦ.
ᐃᓚᐅᖃᑕᐅᒋᑦ ᖃᕆᑕᐅᔭᒃᑰᕈᓐᓇᐅᑎᑦᑎᓐᓄᑦ
ᒪᓕᒃᑎᒍᑦ ᐃᓄᓐᓄᑦ ᑐᓴᐅᒪᔪᓕᕆᔾᔪᑎᒃᑯᑦ ᖃᐅᑕᒫᑦ ᓴᐃᓕᑦᑎᐊᖁᓪᓗᑎᑦ. ᐊᒥᖅᑳᖃᑎᖃᖅᐸᒃᐳᒍᑦ ᓄᑖᓂᒃ ᑎᑎᕋᐅᔭᖅᑕᐅᓯᒪᔪᓂᒃ, ᐊᓂᖅᓵᖅᑐᕐᓂᕐᒧᑦ ᐊᑐᖅᑕᐅᕙᒃᑐᓂᒃ, ᓄᓇᓕᓐᓂᓗ ᐅᓂᒃᑲᐅᓯᕐᓂᒃ ᐱᓕᕆᓂᕆᕙᒃᑕᐃᑦ ᑲᔪᖏᖅᓴᖅᑕᐅᖏᓐᓇᖁᓪᓗᒍ ᑕᑯᔭᖅᑐᓚᐅᙱᓐᓂᕐᓂ ᐃᓂᒋᔭᐅᔪᒥ.
ᐃᓅᓯᕐᒧᑦ ᐊᔪᕈᓐᓃᖅᑕᐅᕙᒃᑐᑦ ᓄᓇᕗᑦ
ᐃᓅᓯᕐᒧᑦ ᐊᔪᕈᓐᓃᖅᑕᐅᕙᒃᑐᑦ ᓄᓇᕕᒃ
ᐃᓅᓯᕐᒧᑦ ᐊᔪᕈᓐᓃᖅᑕᐅᕙᒃᑐᑦ ᓄᓇᕗᑦ
ᐃᓅᓯᕐᒧᑦ ᐊᔪᕈᓐᓃᖅᑕᐅᕙᒃᑐᑦ ᓄᓇᕕᒃ
